Dövlət satınalmaları və tenderlər ölkə iqtisadiyyatının, dövlət büdcəsinin ən yaralı yeri olaraq qalmaqdadır. Dövlət vəsaitinin bəzən elə sahələr, istiqamətlər, adlar üzrə xərclənməsinə rast gəlinir ki, buna baxıb təəccüblənməmək mümkün deyil.

“AzPolitika.info” xəbər verir ki, dövlət orqanlarının maraq doğuran satınalma elanlarından biri də Dövlət Turizm Agentliyinin elan etdiyi müsabiqədir. Jurnalist Hafiz Babalının öz sosial şəbəkə səhifəsində paylaşdığı həmin satınalma müsabiqəsinin predmetləri, yumşaq desək, təəccüb doğurur.

Əslində, məntiqlə agentliyin öz mütəxəssislərinin həll etməli olduğu adi məsələlərin “məsləhət xidmətlərinin alınması” ilə satınalma predmetinə çevrilməsi və buna görə dövlət vəsaitinin xərclənməsi yalnız təəssüf doğura bilər.

Bu, dövlətin ayırdığı milyonlarla vəsaitin açıq-aşkar havaya sovrulması təəssüratı yaradır. Məsələ ilə bağlı jurnalistin paylaşdığı statusu təqdim edirik:

“Dövlət Turizm Agentliyi faktiki olaraq növbəti pulyuma maşınına çevrilib. Qurum öz aparatının görməli olduğu işi ayrı-ayrı "məsləhətçilərə" həvalə etməklə dövlətin pulunu göyə sovurmaqla məşğuldur.

... Sabah "Cənub-Şərqi Asiya ölkələrindən olan turistlərə saqqal darağının müəzzəm faydaları" mövzusunda təlimlərin təşkili üçün məsləhətçi axtarsalar, təəccüblənmərəm.”