Dmitri Medvedev hökumətini istefaya sosial və iqtisadi sahələrdəki uğursuzluqları göndərib.
Bu sözlər “Anadolu” agentliyinin məsələ ilə bağlı analizində yer alıb.
Prezident Vladimir Putinin Federal Məclisdə illik hesabatla bağlı çıxışı xalqı maraqlandıran problemlərin ölkənin ən üstün səlahiyyətli şəxsi tərəfindən səsləndirilməsi kimi şərh olunur.
Medvedev Baş nazirliyi müddətində həm də müxalifət tərəfindən korrupsiyada ittiham olunurdu. Təqaüdçü qadının pensiyaların artırılması ilə bağlı tələbinə Medvedevin “pul yoxdur, dözün” cavabını verməsi uzun müddət ölkə gündəminə oturmuşdu. Təqaüd yaşının kişilər üçün 60-dan 65-ə, qadınlar üçün isə 55-dən 63-ə qaldırılması Medvedevi istefaya itələyən son damla oldu. Putinin 2018-ci ildən başlatdığı milli layihələrin nəticə verməməsi də onu hədəf taxtasına qoydu. Buna görə də vəzifəsindən istefa verməli, hökumətini də tam tərkibdə istefaya aparmalı oldu.
Çoxları üçün Federal Vergi Xidmətinin sədri olan Mixail Mişustinin Baş nazir vəzifəsinə seçilməsi sürpriz olsa da, əslində, onun Putin və Təhlükəsizlik Xidmətinin öndə gedən şəxsləri ilə buz xokkeyi oynaması və federal büdcəyə vergidən daxil olan gəlirləri üçqat artırması baş nazir seçilməsində əhəmiyyətli rol oynayıb. (publika.az)
.jpg)
.jpeg)
