Rusiya ABŞ-a fəzada "ciddi" təhlükə törədir

 
ABŞ-ın fəza müdafiəsi idarəsinin yüksək səviyyəli hərbi ordusunun dediyinə görə, Rusiya ABŞ-ın fəzadakı maraqlarına “ciddi” və “artan” təhlükələr yaratmaqda davam edir.
“Bu təhlükələr realdır, ciddidir və narahatlq doğurur,” yeni təsis olunan ABŞ Fəza Qüvvəsinin sədri və ABŞ Fəza Komandalığının başçısı general Con Reymond çərşənbə günü müxbirlərə bildirib.
"Bizim üstünlüyümüz azaldılıb, ona görə də Aerokosmos Komandanlığı çərçivəsində Fəza Qüvvəsinin yaradılması bizim həmin təhlükənin önünə keçmək üçün "çevik və sürətli" şəkildə səy göstərməyimizə və xərcləri azaltmağımıza imkan yaratmaq üçün çox mühümdür.
Fəza naviqasiyadan tutmuş bankinqa qədər bir çox gündəlik fəaliyyətlər üçün vacibdir. Fəza həmçinin raketlərin havaya buraxılmasından tutmuş kəşfiyyat məlumatlarının toplanmasına kimi hərbi missiyalar üçün də kritik əhəmiyyət daşıyır.
Reymond ABŞ-ın üstünlüyünün hansı sahələrdə azaldığına dair detalları paylaşmayıb, amma son aylarda kosmosda dünya lideri olaraq qalmağa doğru atdığı addımları tərifləyib.
Reymond Birləşmiş Ştatların kosmosda lider olmasına görə “ən yaxşı əməkdaşlıqları” səbəb göstərib və Perunun bu ay kosmik obyektlərlə bağlı məlumat paylaşan ABŞ-ın başçılıq etdiyi şəbəkəyə qoşulan ən son ölkə olduğunu təsdiqləyib.
Məlumatların paylaşılması ilə bağlı razılıq Perunu peyk izləmə məlumatlarına çıxışla təmin edəcək və Perunun fəza agentliyini Birləşmiş Ştatlar üçün fəzadakı obyektləri izləyən hərbi komanda ilə əlaqələndirəcək.
Lakin Reymond xəbərdarlıq edib ki, Birləşmiş Ştatlar həm Rusiya, həm Çinin kosmosdakı imkanlarını inkişaf etdirdiyini müşahidə edib və “onların əldə etdiyi hər hansı irəliləyiş bizim üstünlüyümüzü aradan qaldıra bilər”.
Rusiya və Çin bu yaxınlarda diqqəti fəza imkanlarını artırmağa yönəldib ki, buna yeni texnologiya və peykləri məhv edə biləcək silahların inkişafı daxildir.
"Bizim düşmənlərimiz son bir neçə ildə fəzanı silaha çevirib. Onlar fəzanı müharibədə döyüşmək üçün bir sahəyə çevirib," Müdafiə naziri Mark Esper cümə günü bildirib.
Rusiya son həftələr havaya peyk əleyhinə raket buraxıb. Bu texnologiya ABŞ-ın orbitdəki obyektlərinə təhlükə yarada bilər. Rusiya həmçinin ABŞ-ın kəşfiyyat peykini izləyən iki peyk üzərində sınaq keçirib. ABŞ-ın Fəza Qüvvəsi isə ötən ay bunun kosmik silah xüsusiyyətlərinə malik olduğunu deyib.
ABŞ-ın müdafiə rəsmiləri deyib ki, İran və Şimali Koreya Rusiya və Çindən daha az imkanlar inkişaf etdirsə də, onlar da təhlükə yaradır.