Çində üsyan: hökumətdən 37, üsyançılardan 59 nəfər öldü

Çinin Sincan – Uyğur Muxtar Vilayətinin Şaçe rayonunda polis üsyançıların hücumunu dəf edərkən 59 silahlını öldürüb.
APA-nın “İnterfaks”a istinadən verdiyi xəbərə görə, hücum nəticəsində 37 mülki şəxs ölüb, daha 13 nəfər isə yaralanıb. Üsyançıların üzərindən çoxlu sayda bıçaq və balta, həmçinin “müqəddəs savaşa” çağıran plakatlar götürülüb.
Qeyd edək ki, hücum iyulun 29-da törədilib, lakin qurbanların dəqiq sayı bu gün məlum olub. Xatırladaq ki, həmin gün balta və bıçaqla silahlanmış bir qrup şəxs Elisku şəhərində polis şöbəsinə və bir neçə inzibati binaya hücum edib.
Üsyançılar həmçinin qarşısına çıxan avtomobillərə ciddi zərər yetirib və yoldan keçən insanlara hücum ediblər.