RATİ-nin ofisi möhürlənib

Bazar ertəsi səhər Reportyorların Azadlıq və Təhlükəzlik İnstitutunun ofisinin qapısı istintaqçılar tərəfindən möhürlənib. RATİ-nin əməkdaşları Turan-a bildiriblər ki, prokurorluğun müstəntiqi və sahə müvəkkili gələrək oranın boşaldılmasını tələb ediblər, sonra möhürləyiblər. Onlar hər hansı açıqlama verməyiblər və ya məhkəmə qərarını təqdim etməyiblər. Demək olar ki, RATİ-nin işçilərini küçəyə qovublar.

Qeyd edək ki, avqustun 8-də prokurorluq tərəfindən RATİ-nin ofisində axtarış aparılıb. Bütün elektron daşıyıcılar və sənədlər götürülüb. RATİ-nin rəhbəri Emin Hüseynovdan hələ ki xəbər yoxdur.-