"Putin qərarını seçkilərdən sonra verəcək" - Ukraynalı politoloq

"Rusiya Prezidenti Vladimir Putin oktyabrın 26-da Ukraynada keçiriləcək parlament seçkilərindən sonra Donbasdakı vəziyyətlə bağlı öz mövqeyini elan edə və rəsmi Kiyevlə danışıqlara gedə bilər".

Axar.az xəbər verir ki, bu açıqlama ilə ukraynalı politoloq, Qlobal Strategiya İnstitutunun direktoru Vadim Karasev çıxış edib:

“Donbasdakı vəziyyət parlament seçkilərindən sonra öz həllini tapa bilər və Putin bu vaxta qədər gözləyəcək. O, yeni parlamentin necə olacağını, orada hansı siyasi parçalanmaların baş verəcəyini gözləyəcək. O, həm də gözləyir ki, yeni parlament Poroşenko tərəfindən idarə olunacaq, yoxsa daha dağınıq və az idarəolunan olacaq".