Paşinyan sülhməramlıların Rusiyaya qayıtmalarını istəyir - SON DƏQİQƏ

Ermənistanın baş naziri Nikol Paşinyan “Facebook” səhifəsində İctimai Televiziyaya müsahibəsi barədə açıqlama yayıb.

Musavat.com-un məlumatına görə, Nikol Paşinyan bəyan edib ki, Avropa İttifaqında Ermənistanla münasibətləri dərinləşdirmək üçün konsensus var.

Baş nazir həmçinin qeyd edib ki, Ermənistan “3+3” formatında görüş keçirməyə hazırdır, vaxtilə növbəti görüşün Tehranda keçirilməsi ilə bağlı razılıq əldə olunub.

Rusiya sülhməramlı qüvvələrinin Qarabağdan çıxarılması və Ermənistanda mümkün yerləşdirilməsi barədə danışan baş nazir bildirib: “Rusiya sülhməramlıları Qarabağı tərk edərlərsə, o zaman onlar Rusiyaya qayıtmalıdırlar”.

Musavat.com