ABŞ İŞİD-in Əzrayılını da vurdu

ABŞ hərbi təyyarələri Suriyada “Xorasan” terror təşkilatına aid olan hədəfləri vurub.

Axar.az Türkiyə mətbuatına istinadən xəbər verir ki, ABŞ tərəfi verdiyi açıqlamada bu təşkilatın Əl-Qaidə ilə bağlılığı olan Nüsra cəbhəsinin tərkibində yer aldığını və İŞİD-dən daha təhlükəli olduğunu bildirib.

Suriyada İŞİD, Əl-Qaidə və Əl-Nüsra təşkilatlarına qarşı hərbi əməliyyatlar keçirən ABŞ təyyarələri bu dəfə yeni yaranan “Xorasan” terror təşkilatının aid hədəflərə aviazərbələr endirib.

Məlumatda təşkilatın nəzarətində olan 5 obyektin vurulduğu qeyd edilib.