Mitinq təşkilatçıları BŞBPİ-ə çağırılıb

Mitinqin təşkilatçıları kimi AXCP sədrinin müavini Fuad Qəhrəmanlı və Milli Şuranın Koordinasiya Şurasının üzvü Eldəniz Quliyev Bakı Şəhər Baş polis İdarəsinə dəvət edilib. BŞBPİ-nin rəis müavini Səhləb Bağırov və Bakı şəhər prokurorunun müavini Fazil Muradəliyev onlarla görüşüb. Görüşdə mitinqin noyabrın 9-da keçirilməsinə razılıq verildiyi bildirilib. Polis mitinqin təhlükəsiz və dinc şəraitdə keçməsi üçün üzərinə düşən bütün vəzifələri yerinə yeturəcək. Təşkilatçılardan da istənilir ki, aksiyanın qanunvericiliyin tələblərinə uyğun, nəzərdə tutulan tələblər və asayiş pozulmadan keçməsini təmin etsinlər