Ziya Mәmmәdovun sәlahiyyәtlәri mәhdudlaşdırıldı – FӘRMAN

Prezident İlham Əliyev “Avtomobil yolları haqqında” qanunun tətbiqi ilə bağlı əlavə tədbirlər haqqında” fərmana dəyişikliklər edib.

Həmin dəyişikliyə əsasən respublika və yerli əhəmiyyətli avtomobil yolları ilə bağlı məsələləri Nəqliyyat Nazirliyinin təqdimatı ilə Nazirlər Kabineti həyata keçirəcək.

Digər dövlət avtomobil yolları ilə bağlı məsələləri yerli icra hakimiyyəti orqanları (şəhər rayonu icra hakimiyyəti orqanları istisna olmaqla), qəsəbə və kəndlərin ərazisində yerləşən bələdiyyə avtomobil yollarına münasibətdə müvafiq bələdiyyələrin, özəl avtomobil yollarına münasibətdə isə mülkiyyətçilərin rəyini nəzərə almaqla yerli icra hakimiyyəti orqanlarına həvalə olunub.