Bakı polisindən geniş miqyaslı gecə əməliyyatı – Yeniləndi/Foto

Bakıda yol hərəkəti təhlükəsizliyini gücləndirmək və sərxoş, plyonkalı sürücülərin, gecə paytaxtda narahatlıq yaradan avtoşların qarşısını almaq üçün dünən başlayan genişmiqyaslı əməliyyat davam etdirilir.

Axar.az-ın əməliyyatda iştirak edən əməkdaşının sözlərinə görə, Bakı şəhər Dövlət Yol Polisi rəhbərliyinin də iştirak etdiyi, çoxsaylı polis əməkdaşlarının qatıldığı və bütün paytaxt ərazisini əhatə edən genişmiqyaslı əməliyyatda qayda pozuntusuna yol verən sürücülərlə bağlı sərt ölçü götürülür. Həbslərin də olacağı istisna deyil.

Əməliyyat səhərə qədər davam edəcək.

Xatırladaq ki, ötən gecə keçirilən əməliyyatda kobud qayda pozuntusuna yol verən 16 sürücü həbs edilmişdi.