Bryus Linin oxşarı Abbas Əlizadə

Əfsanəvi döyüş ustasına bənzəyən şəxs hər kəsi heyrətləndirib
Döyüş sənətləri üzrə məşhur döyüş ustası və aktyor Bryus Linin (Bruce Lee) oxşarı peyda olub.
xarici görünüşü və etdiyi hərəkətlərlə əfsanəvi döyüş ustasına bənzəyən şəxs əfqan vətəndaşıdır. Abbas Əlizadə adlı gənc Facebook sosial şəbəkəsində öz foto və videolarını yayımlayıb. Bundan sonra birdən-birə məşhurlaşan Əlizadə müharibədən bezmiş əfqan millətinin digər bir xüsusiyyətini göstərməyə çalışır.

Bryus Linin oxşarı olduğu üçün fəxr etdiyini deyən Əlizadə gələcəkdə daha da məşhur olmaq istədiyini ifadə edib. O bildirib ki, öz ölkəsini Hollivudda təmsil etmək istəyir. Həftədə iki dəfə məşq edən gənc paylaşdığı videoda öz bədən quruluşunu nümayiş etdirib.

Əlizadə 10 uşaqlı bir kasıb ailədə doğulub. Onun valideynləri gənc oğlanın Çinin qarışıq döyüş sənəti akademiyası olan Uşuya getməsini istəmirdilər. Amma buna baxmayaraq məşqçi onu öz yanına çəkməyi bacarıb.

Xüsusi bacarıqları ilə Bryus Liyə həddən artıq bənzəyən Əlizadə insanların böyük marağına səbəb olub. Onun görüntüləri sosial şəbəkələrdə paylaşıldıqdan sonra günün mövzusu olub.