Yataq otağından girdi 100 min apardı

Lənkəran sakinin evini soyan şəxs tutuldu
Lənkəranda 100 min manatlıq oğurluq edən şəxs saxlanılıb.

ANS PRESS-in bölgə müxbirinin məlumatına görə, oğurluq hadisəsi Lənkəran şəhər sakini Mais Kazımova aid olan evdən olub.
Evdən 100 min manatlıq qızıl zinət əşyaları, noutbuk, müxtəlif markalı telefonlar, maaş kartları oğurlanıb.

Lənkəran polisinin keçirdiyi əməliyyat nəticəsində oğurluq edən şəxs saxlanılıb. Bu Əlizadə Nicat İqbal oğludur.

Dindirilmə zamanı oğurluq edən şəxs evə yataq otağının pəncərəsindən girərək oğurluq etdiyini boynuna alıb. Artıq həmin şəxs barəsində həbs qətimkan tədbiri görülüb.