13 yaşlı qızı xalası oğlu zorladı

Məhkəmə qohumunu zorayan oğlanı sərbəst buraxdı
Türkiyənin Eskişəhər ərazisində 13 yaşlı qız xalası oğlu tərəfindən zorlanıb. 1994-cü il təvəllüdlü S.B. polisə xalası oğlu tərəfindən mütəmadi olaraq cinsi təcavüzə məruz qalması barədə şikayət edib.

Qız şikayətində bildirib ki, ilk dəfə 6 il bundan əvvəl xalasının evində bakirəliyi pozulub. O zaman axşam saatlarında yatağında yatarkən xalası oğlu ona hücum edib və zorlayıb.

Zorladıqdan sonra qıza tapşırıb ki, bu barədə heç kimə bildirməsin. O, hətta qızı şantaj da edib: “Hamıya deyərəm ki, sən mənim yanıma gəlmisən. Zorla mənimlə olmaq istəmisən”.

Həmin gündən sonra xalaoğlu qızı dəfələrlə zorlayıb. Bundan təngə gələn qız polisə şikayət edib. Qohumunu zorlayan oğlan məhkəmə qarşısına çıxarılıb.

Məhkəmə təqsirləndirilən şəxsin barəsində əvvəllər ittihamlar olmadığını nəzərə alaraq, onu sərbəst buraxıb. Belə ki, qız ilk dəfə 2006-cı ildə zorlanıb. Daha sonra 2012 və 2013-cü illərdə xalası oğlu ilə cinsi əlaqəyə girib. Lakin o zamanlar onun barəsində heç bir ittiham olmayıb. Bu da hadisənin zorakılıq, yaxud xoşluqla baş verməsini sübut etmədiyinə görə oğlan azadlığa buraxılıb.