Avtoritetlər son 10 ilin ən böyük “sxodka”sına hazırlaşır

Moskvada “qanuni oğru”lar son onilliyin ən böyük “sxodka”sına hazırlaşır.


“Qafqazinfo” Rusiya KİV-nə istinadən xəbər verir ki, toplantıda MDB və Avropadan olan nüfuzlu avtoritetlərin iştirakı nəzərdə tutulub. “Sxodka”nın təşkilatçısı isə Rusiya mafiyasında “bütün bosların bosu” adlandırılan Zaxariy Kalaşovdur (Gənc Şakro).

Rusiya hüquq-mühafizə orqanlarındakı mənbənin sözlərinə görə, son vaxtlar paytaxta çoxlu sayda “qanuni oğru”nun axını başlayıb. Onların arasında uzun müddətdir ki, Yunanıstanda yaşayan David Sebiskveradze (Dato) və Vaja Biqanişvili də var.

Mənbə həmçinin bildirib ki, görüşün əsas səbəbi “oğru aləmi”ndə yaranan situasiyanı müzakirə etmək olacaq. Belə ki, oğru “tacı” şübhə altında qalan 150 qanqsterin taleyi həll olunacaq.” Kriminal general” Kalaşovun 2008-ci ildən sonra titul alan qanqsterlərin hamısını “qanuni oğru” hesab etmədiyi məlum olub. Onun fikrincə həmin şəxslər arasında bu titulu alan çoxlu sayda gənclər var ki, buna layiq deyillər. Bundan başqa, bazarda çalışan keçmiş satıcılar və killerlər yazılmamış oğru qanunlarına görə ciddi pozuntudur və məhz həmin gənclərqanlı qarşıdurmalar yaradaraq bütün “oğru ailə”sinin adına ləkə gətirilər.