Sumqayıt şəhərindən yeni xəbər var

Sumqayıt şəhərindən yeni xəbər var

Sumqayıtda və Sumqayıt Dövlət Universitetində bir ilk olan Qladiator Debatları layihəsinin nəticələri artıq məlumdur.Belə ki, ötən gün adıçəkilən layihənin bağlanış mərasimi Sumqayıtın Tarixi Muzeyində yüksək səviyyədə qeyd olunub.Azərbaycanın və Şərqin İlk Milli Debat Formatı Qladiator Debatları ilə Ritorika Universal Klubunun əməkdaşlığı sayəsində həyata keçirilən "SDU I Qladiator Debatları Kolizeyi" layihəsinin bağlanış mərasimi Sumqayıt Gənclər və İdman Baş İdarəsinin rəisi Elşən Baxşəliyevin,Sumqayıt Dövlət Universiteti "Azərbaycan tarixi" kafedrasının Baş müəllimi Elmar Xəlilovun iştirakı ilə baş tutub.İki ay müddətində keçirilən layihədə Sumqayıt Dövlət Universitetinin II kurs tələbəsi Aynurə Fərhadova Çempion olaraq Kubok,medal və diplomla, birinci ən yaxşı natiq Orxan Sadiq,ikinci ən yaxşı natiq İbrahim Zeynallı,üçüncü ən yaxşı natiq Teyyub İskəndərov isə medal,diplom və sertifikatla təltif olunub.Layihədə xüsusi əməyi keçən Pərvin Qocayeva,Elvin Gülməmmədov,Samir Aslan,Bəhruz Bayramov,Zaur Quliyev təşəkkürnamə ilə,digər tələbələr isə sertifikat ilə mükafatlandırılıb.Tədbirdə iştirak edən Sumqayıt şəhər Gənclər və İdman Baş idarəsinin rəisi Elşən Baxşəliyev və Sumqayıt Dövlət Universiteti "Azərbaycan tarixi" kafedrasının Baş müəllimi Elmar Xəlilov mükafatları təqdim etdikdən sonra tədbir iştirakçılarına uğurlar arzulamış,bu addımları təqdirəlayiq qiymətləndirmiş və davamlı olmasının zəruriliyini vurğulamışlar.Mükafatlandırılanlar içərisində turnirdə əməyi keçənlərdən biri olan Azərbaycan Respublikası Prezidenti yanında Dövlət İdarəçilik Akademiyasının tələbəsi Ağalar Ağalarlı ən yaxşı məşqçi medal və diplomuna layiq görüldükdən sonra o, da Qladiator Debatlarının tələbələrə qazandırdığı müsbət keyfiyyətlərdən danışmış və Qladebator davamçılarına öz tövsiyyələrini vermişdir.Sonda isə Ritorika Universal Klubunun Sədri Arzu Nəbizadə və İdarə Həyəti üzvləri Pərvin Qocayeva,Elvin Gülməmmədov , Zaur Quliyev və layihə iştirakçıları Ritorika Universal Klubunun əməkdaşlıq təklifini geri çevirməyib layihənin keçirilməsinə razılıq verən və bu layihənin ərsəyə gəlməsində əvəzsiz əməyi olan Azərbaycanın və Şərqin İlk Milli Debat Formatı Qladiator Debatlarının Konstruktoru Həbib Heydərə öz təşəkkürlərini bildirmişlər.Qeyd edək ki,layihə Sumqayıt Dövlət Universiteti,Sumqayıt Dövlət Universiteti Tələbə Həmkarlar Təşkilatı və Sumqayıt şəhər Gənclər və İdman baş İdarəsinin təşkilati dəstəyi ilə keçirilib.