Bolqarıstan: “Başlıca zərbə Rusiya və İŞİD-dir”

“Avropa Birliyinin xarici siyasətdəki maraqlarına başlıca zərbə Rusiya və İŞİD terror qruplaşmasından gəlir”.

Axar.az xəbər verir ki, bu açıqlama ilə Bolqarıstanın Xarici işlər naziri Daniel Mitov çıxış edib.

O, Rusiyanın Avropaya qarşı enerji resurslarından təzyiq vasitəsi kimi istifadə etdiyini bildirib.

“Avropa Birliyi gərək öz cəmiyyətinin formalaşdığı dəyərləri müdafiə etsin. Soyuq müharibədən əlavə, Avropa onlarla qaynar konfliktlə toqquşub. Avropa Birliyi geosiyasi faktor olmaq üçün vahid cəbhə şəklində hərəkət etməlidir”.