Birinci siniflərə qəbul sistemi dəyişir

Birinci sinfə qəbul sistemi hazırlanır. Bu sistem işə salınandan sonra valideynlər sənədləri onlayn təqdim edə biləcəklər.

Bu barədə virtualaz.org saytına Bakı Şəhəri üzrə Təhsil İdarəsindən məlumat veriblər.

Xəbərdə deyilir ki, qəbul sisteminin təkmilləşdirilməsi məqsədi ilə bu il Bakıda fəaliyyət göstərən ümumtəhsil müəssisələrinin I sinfinə qəbul prosesini elektron sistem vasitəsilə aparılması nəzərdə tutulub.

Sistemin təkmilləşməsi üçün Bakı Şəhəri üzrə Təhsil İdarəsi valideyn və məktəb direktorları görüşlər keçirir.

Yeni sistem valideyn-məktəb münasibətlərini də tənzimləyəcək.