Putin 10 yaşlı qızın istəyini yerinə yetirdi

Kristina Kutepova hələ bir necə həftə öncə "qaynar xətt" vasitəsilə xalqın suallarını cavablandıran Putinə paradla bağlı müraciət etmişdi. Qız paradı meydanda valideynləri ilə birlikdə yaxından izləmək istədiyini demişdi.
Kristinanın arzusu prezidentə ünvanlanan çoxsaylı xahişlərin içindən seçilib.
Paraddan sonra Putin qız və valideynləri ilə tribunanın yanında görüşüb. Prezident qızdan paradın xoşuna gəlib-gəlmədiyini soruşub. Kristina isə "çox" deyə cavab verib. "Çox xoşumuza gəldi. Çünki ilk dəfə bu təntənəni canlı görürük".
Kristina prezidentə sulu boya ilə çəkdiyi portretini hədiyyə edib. Portretə baxaraq gülən Putin onun özünə bənzədiyini deyib.