İrəvanda kriminal avtoritetin dostu güllələndi

Ermənistanda kriminal avtoritetin dostu güllələnib.

ANS PRESS-in məlumatına görə, hadisə paytaxt İrəvanın Çarbax rayonunda qeydə alınıb.

Belə ki, bu gecə saat 02:45-də rayon ərazisində bir kişi ağır yaralanıb. Yaralanan şəxsin 36 yaşlı Vardan Karapetyan olduğu məlum olub.

Onun qarın nahiyyəsindən güllə yarası aldığı bildirilir.

Yaralı ağır vəziyyətdə xəstəxanaya yerləşdirilib.

Qeyd edək ki, güllələnən Vardan Karapetyan kriminal aləmdə tanınmış avtoritetlərdən olan “Levik”in yaxın dostudur.