Millət vəkili: "Hicablı qadınları elə görəndə utandım"

Türkiyədə hakim Ədalət və İnkişaf Partiyasının Manisa şəhərindən olan millət vəkili Səlcuq Özdağ bahar şənliklərindən birində özündən çıxıb.

ANS PRESS-in məlumatına görə, universitetlərdən birində tələbələr bahar şənliklərini qeyd edərkən hicablı qızlardan bəziləri oğlanların çiyinlərində oynamağa başlayıb.

Bu isə AKP-li millət vəkilin sərt reaksiyasına səbəb olub. Millət vəkili “twitter” sosial şəbəkəsində bunları yazıb: “Bahar şənliklərində hicablı qızların oğlanların çiyinlərində oturduqlarını görəndə çox utandım. Eh, dəyərlər harda qaldı. İnsan başının olduğu yerdə deyil, ağlının olduğu yerədədir”.

AKP-li millət vəkilinin “twitter” sosial şəbəkəsində yazdıqları birmənalı qarşılanmayıb.