"Polad Ələmdar"a rəqib gəlir

Ötən il qalmaqallı şəkildə “Kurtlar Vadisi Pusu”nu qardaşı Necati Şaşmaza təhvil verən və “Pana Film”dən ayrılan Raci Şaşmaz yeni layihə ilə film sektoruna qayıdır.

Axşam.az-ın Türkiyə mətbuatına istinadən məlumatına görə, Raci “Kurtlar Vadisi”nin keçmiş ssenaristi Bahadır Özdənərlə birlikdə “Eşkiya Dünyaya Hükümdar Olmaz”ın ssenarisini yazır. Baş rolda Çakır obrazıyla tanınan Oqtay Qaynarca ilə aktrisa Dəniz Çakırın çəkildiyi ekran işinin rejissoru “Vadi”ni üç mövsüm lentə alan Onur Tandır.

O.Qaynarca mafiya başçısı “Xızır Çakırbəyli” obrazını canlandırır. Ekran işində “Testere Necmi” adı ilə tanınan Tarın Ünlüoğlu, “Pala” rolunda çəkilən Yüksəl Arıcı da yer alıblar. Serialın bəzi səhnələri “Kurtlar Vadisi”nin ilk illərini xatırladıb. [media=https://www.youtube.com/watch?v=Dh4QXt3LUu4]