"Barselona"da nələr olacaq: əfsanə tarixə çevirilir?

İspaniya "Kral Kuboku"nda və Çempionlar Liqasında uğursuz çıxış edən. La Liqada çempionluq şansını azaldan "Barselona" böyük dəyişikliklərə hazırlaşır. anaxeber.info xəbər verir ki, FIFA ilə problemini həll etməyə çalışan Kataloniya klubu istəyinə çatsa, gəncləşdirmə siyasətinə gedəcək.
Belə ki, ali futbol qurumu "Barselona"ya iki transfer dönəmində heyətinə futbolçu qatmağı qadağan edib. İndi klub prezidenti Josep Maria Bartomeu bu qadağanın qaldırılmasına çalışır. Bu baş versə, transferlərə 100 milyon avro pul ayrılacaq.
İlk olaraq gözlənilən nəticələri qazana bilməyən baş məşqçi Cerardo Martino yola salınacaq. Həmçinin müqaviləsi başa çatan Viktor Valdes, Karles Puyol və Jose Pintoya yeni anlaşma təklif olunmayacaq. Onlarla yanaşı, Dani Alveş, Xavyer Maskerano, Aleksis Sançes, Pedro Rodriges və Kristian Telloya gələcək təklifləri dəyərləndirəcək klub rəhbərliyi bu futbolçuları yaxşı qiymət satmağa çalışacaq. Həmçinin gənc futbolçular - İbrahim Afellay, İsaak Kuenka və Conatan Dos Santosa özlərinə klub tapmaq tapşırılacaq.
Klub rəhbərliyi qapı, müdafiə və hücum xəttlərinə yeni oyunçular cəlb etməyi planlaşdırır. Qapı xəttinə əsas namizəd Münhenqladbax "Borussiya"sından Mark-Andre Ter Stegen hesab olunur. "Barselona" Dortmund "Borussiya"sından Marko Reusla hücumu gücləndirmək niyyətindədi. Bu mövqe üçün "Selta"ya icarəyə verilən Rafael Alkantara və "Everton"da icarə əsasında çıxış edən Cerard Deulofeunun da geri qaytalırması nəzərdə tutulub. Müdafiə xəttinin mərkəzinə isə gənc və istedadlı futbolçulardan biri transfer olunacaq.
Baş məşqçi məsələsinə gəlincə, hazırda bu posta 5 namizəd var. Onlardan biri "Borussiya"ya başçılıq edən Yurgen Kloppdu. İflasın bir addımlığında olan Dortmund təmsilçisini Avropanın ən güclü klublarından birinə çevirən alman mütəxəssis "Barselona" rəhbərliyinin hədəfindəki əsas isim hesab olunur.
Siyahının ikinci pilləsində Ernesto Valverde dayanır. "Malyorka"nın 50 yaşlı baş məşqçisinini əsas üstünlüyü hücum futbolu oynatmasıdı ki, bu da "Barselona"nın siyasətinə uyğun gəlir.
Əvvəllər "Barselona"nın B komandasını çalışdırmış Luis Enrike də namizədlər arasındadı. O, Pep Qvardiolanın gedişindən sonra da baş məşqçi postuna namizəd hesab olunurdu.
Kataloniya klubunun siyahısındakı digər isim Frank De Burdu. Hər zaman hollandlara yaxınlığı ilə seçilən "Barsa"nın bu namizədi seçməsi də mümkündü.
Hələlik son namizəd isə Pako Xemez hesab olunur. "Rayo Vallekano"nun baş məşqçisi siyahıdakı "Barselona"lı olmayan yeganə namizəddi.