Milyarderlərin övladlarına verdikləri bahalı hədiyyələr - fotolar

Rusiyanın “Forbes” jurnalı dünyanın məşhur milyarderləri ilə bağlı yeni araşdırma aparıb.

Axşam.az-ın məlumatına görə, məqalədə milyarderlərin varislərinə bağışladıqları bahalı hədiyyələr açıqlanıb:

Bir neçə ay əvvəl rusiyalı milyarder Roman Abramoviç qızına ad günü hədiyyəsi olaraq tanınmış Britaniya rok-qrupu “McBusted”in konsertini edib. Qızının ad günü partisinə qatılan qrup 44 min dollar alıb. Oğlunu isə Yeni il günü Hollivud ulduzu Ben Stiller təbrik edib. Aktyor Şaxta baba libası geyinərək, oğlana hədiyyə verib. Bunun qarşılığında isə yarım milyon dollar alıb.



1,4 milyard sərvəti olan iş adamı Sergey Veremenko bir bankın hissəsinin 50 faizini böyük qızı Marqaritə hədiyyə edib. Daha sonra sahibi olduğu şirkətlərin 51 faizini övladının adına keçirib.



“Formula 1” yarışlarının direktoru 2011-ci ildə qızları Tamaraya Londonda, Petreyə isə Çelsidə malikanə hədiyyə edib. Tamara evin təmiri üçün 18 milyon funt-sterlinq xərcləyib.



Milyarder Dmitriy Rıbolovlev qızı Yekaterinaya dəfələrlə bahalı hədiyyələr bağışlayıb. 2013-cü ildə iş adamı Yunanıstanda Skorpios adasını qızı üçün alıb. Bunun üçün o, 100 milyon dollar ödəyib.



Avstraliya maqnatı, “Mineralogy Pty Ltd” sahibi Kliv Plamer qeyri-adi hədiyyələr etməyi sevir. O, 2009-cu ildə 15 yaşlı qızına 30 metrlik yaxta alıb. “Horizon” adlı yaxtanın qiyməti 5,3 milyon dollardır.



“Capital Group” sahibi Pavla Te və məşhur butiklərdən birinin yiyəsi Olqa Karput 5 yaşlı qızları Sofiyə kiçik ingilis ponisi hədiyyə edib.



“Topshop” və “Arcadia Group Limited” sahibi Filipp Qrin bahalı partilər keçirməyi sevir. O, oğlu üçün 5,3 milyon dollar xərcləyərək, böyük parti təşkil edib. “Grand-Hotel du Cap-Ferrat”da keçirilən məclisdə 300 qonaq olub. Gecədə uşaqlar üçün Beyonsun müşayiəti ilə “Destiny’s Child” qrupu, böyüklər üçünsə Andrey Boçelli çıxış edib.



İsveçrəli milyarder Rassel Boulbi uşaq oyuncaqları hazırlamaqla məşğuldur. O, bayram ərəfəsində övladlarına ikimərtəbəli Santa Klaus evciyi hazırlatdırıb. Mənzilin hazırlanmasında 400 dekorativ lampadan istifadə olunub.



Məşhur reper Pi Diddi 700 milyon dollar sərvətə sahibdir. O da övladlarına bahalı hədiyyələr verməyi xoşlayır. Reper 16 yaşlı oğlu Castin Diora 360 min dollar dəyəri olan “Mercedes Maybach” bağışlayıb. Daha sonra oğlunun məktəbi əlaçı bitirdiyi münasibəti ilə eyni markanın daha bahalı avtomobilini hədiyyə edib.



2,7 milyard sərvəti olan Con Koduel Böyük Britaniyanın ən varlı adamlarından biri hesab edilir. O, qızı Libbinin ad gününə məşhur müğənni Leon Lyusu dəvət edib.