Habil Əliyevin boşanan oğlu keçmiş sevgilisi ilə evləndi

Xalq artisti, kaman ustası Habil Əliyevin oğlu, müğənni-bəstəkar Rəvan Habiloğlu ikinci dəfə evlənib.

Milli.Az publika.az-a istinadən xəbər verir ki, həyat yoldaşından uzun illərdir ki, boşanan Rəvan Habiloğlu, nəhayət, subaylığın daşını atıb.
Onun ikinci dəfə evləndiyi xanım isə həkimdir. Əldə etdiyimiz xəbərə görə, yerli klinikaların birində şöbə müdiri vəzifəsində çalışan Gülnarə Nuruzadə uzun illər xarici ölkələrdə, eyni zamanda, 2012-ci ildə FİFA tərəfindən keçirilən Qadın dünya futbol çempionatında həkim kimi fəaliyyət göstərib.
Hətta cütlüyün gənclik illərində bir-biri ilə sevgili olduqları, amma müəyyən səbəblər üzündən ailə qurmadıqları deyilir. Amma gec də olsa, bu evlilik indi baş tutub.
Qeyd edək ki, həm Rəvanın, həm də Gülnarənin əvvəlki evliliklərindən övladları da var.
Onu da öyrəndik ki, Habil Əliyev də bu izdivaca xeyir-dua verib.
Sənətkarın həyat yoldaşı Şərqiyyə Əliyeva xeyir xəbəri təsdiqləyib.

Milli.Az