İŞİD-in çimərliyi görüntüləndi - Fotolar

“İslam dövləti”nin nəzarətində olan bölgədə insanların çayda çimməsi görüntülənib. İraqın hansı ərazisi olduğu açıqlanmasa da, Dəclə çayının kənarında dincələn sakinlərin istirahəti lentə alınıb.

Axar.az xəbər verir ki, vəhhabi mediası bunu İŞİD-in çimərliyi kimi təqdim edib. Türkiyədə fəaliyyətdə olan enfalmedya.com saytı “xilafət”ə dəstək verən elektron mediadır və bu xəbəri də “Dəclə çayına üzməyə gedən xalq” başlığı altında yayıb.

“İD” mediası mütəmadi olaraq müxtəlif görüntülər yayaraq onların işğalındakı regionlarda xalqın dinc, firavan və rahat yaşadığını ictimaiyyətin diqqətinə çatdırmaq istəyirlər.