Somada həbs dalğası başladı

Türkiyədə baş verən Soma faciəsinin günahkarlarının həbs edilməsi prosesinə start verilib.

Soma faciəsinin baş vermə səbəblərini araşdırmaq məqsədi ilə Türkiyə də artıq istintaq prosesinə başlanılıb.

İndiyə olan məlumata görə, Soma Mədənçilik şirkətinin yüksək vəzifəli idarə heyətinin üzvləri də daxil olmaqla 18 nəfər polis tərəfindən nəzarətə alınıb. Nəzarətə alınacaq şəxslərin sayının artacağı istisna edilmir.

Qeyd edək ki, Soma kömür mədənində mayın 13-də günorta saatlarında transformator partlayışı olub. Son məlumatlara görə, ölənlərin sayı 301-ə çatıb.