Ağdamın icra başçısı orta məktəb direktorlarına racon kəsib... - İTTİHAM VAR

Ağdam rayon Təhsil Şöbəsinə Mətanət Misirxanova 20.11.2015-ci il tarixdə müdir təyin olunduqdan sonra İcra Başçısının təlimatına əsasən məktəb direktorlarının vəzifəsindən götürülməsi prosesi başlanıb. Bu barədə DİA.AZ-a rayondakı mənbələrdən daxil olan informasiyada deyilir.

Xəbəri verən mənbənin dia.az-a çatdırdıqları: “27.11.2015-ci il tarixdə rayonun Hacıturalı kənd orta məktəbinin direktoru Sevil Qarayeva RTŞ-nin müdiri Mətanət Misirxanovanın əmrinə əsasən direktor vəzifəsindən azad edilib. Məlumat üçün bildirək ki, Mətanət Misirxanova RTŞ-nin müdiri olması üçün xərclədiyi 250 min manat pulu qısa vaxta toplamaq məqsədi ilə məktəb direktorlarından 1000 manatdan pulun gətirilməsi üçün tapşırıq verib. Tələb olunan məbləğ verilməsə Hacıturalı kənd orta məktəbinin direktoru Sevil Qarayeva kimi vəzifəsindən götürüləcəkdir.

Qeyd edək ki, Raqub Məmmədov Ağdama İcra Başçısı təyin olunduğu 2 il ərzində 10-dan artıq məktəb direktoru müxtəlif yollarla şantaj edilərək pulları alınmaqla yanaşı tutduğu vəzifələrindən azad edilmişlər. Bunlara misal olaraq Baharlı-2 qəsəbə orta məktəbinin direktoru Elməddin Məmmədovu, Hacıturalı kənd orta məktəbin direktoru Sevil Qarayevanı 71 saylı məktəbin direktoru Nailə Rüstəmovanı misal çəkmək olar.

Məlumat üçün bildirək ki, Nailə Rüstəmovanın yaxın qohumu yüsək çinli məmur olduğundan onun pulunu almaqla kifayətlənmişlər. Qeyd edək ki, Ağdam RTŞ-nin müdir əvəzi işləmiş Rahil Allahverdiyev adı olub özü olmayan 85 saylı, 93 saylı, 95 saylı, 108,109 saylı məktəblərdən 3 min manatdan pul alaraq həmin məktəblərin hazırda da fəaliyyət göstərməsinə şərait yaratmışdır”.

Qarşı tərəfi də dinləməyə hazırıq...