Erməni əsgəri vuruldu

Bu gün Azərbaycan və Ermənistan qoşunlarının təmas xəttində, Fizuli rayonu istiqamətində erməni əsgəri vurulub.
Təmas xəttində növbə çəkən 1994-cü il təvəllüdlü Aşot Qriqoryan qarşı tərəfdən açılan atəşlə yaralanıb. Onun yarasının “orta ağırlıqda” olduğu bildirilir.
Xatırladaq ki, ötən həftə təmas xəttinin həmin hissəsində bir erməni hərbçisi öldürülüb, ardınca erməni qüvvələrinin Azərbaycan ordusunun mövqelərinə diversiya hücumunun dəf edilməsi zamanı üç hərbçimiz yaralanıb.