Türkiyədə zəlzələ haqqında xəbərdarlıq əhali arasında təşviş yaradıb

Türkiyənin Tekirdağ vilayətinin iki şəhərində zəlzələnin baş verəcəyi barədə məlumat əhali arasında təşviş yaradıb. Trend-in məlumatına görə, bu barədə cümə axşamı "Milliyyət" qəzeti xəbər yayıb.
Malkara və Çorlu şəhərlərinin bələdiyyələri səsgücləndiricilər vasitəsilə bu ərazilərdə güclü zəlzələnin baş verməsi mümkünlüyünü elan ediblər. Вununla əlaqədar sakinlərin bir hissəsi öz evlərini tərk edib.
Xatırladaq ki, bir müddət əvvəl baş vermiş zəlzələ nəticəsində Çanaqqalada 100, Tekirdağda 15, Ədirnədə isə 4 nəfər xəsarət almışdı.