Serbiyada sel 51 can aldı

Serbiyada yaşanan sel fəlakətində 51 adamın nəfər dünyasını dəyişib. ANS PRESS-in məlumatına görə, bu barədə Serbiyanın baş naziri Aleksandr Vuçiç bildirib.

Baş nazir aralarında bir xilasedici də daxil olmaqla, 24 nəfərin boğulduğunu, 27 nəfərin isə selin gətirdiyi ağac və ya daş parçalarının dəyməsi nəticəsində öldüyünü açıqlayıb.

"4 vətəndaşımız hələ də itkindir. Obrenovats şəhərinin 8 %-i su altındadır. Serbiya hökuməti sel fəlakətində insanları qurtarmaq üçün əlindən gələni edir və mümkün olduğu qədər sürətli çalışır. Dövlətimiz bu vaxt ərzində kömək edən və çalışan qruplar ilə qürur duyur", deyə Vuçiç sözlərinə əlavə edib.

Baş nazir həmçinin, Obrenovats şəhərindən iki gecədə 4500 nəfərin təxliyə edildiyini də vurğulayıb.