“20 Yanvar”da ticarət mərkəzi yanır

Metronun “20 Yanvar” stansiyası yaxınlığında ticarət mərkəzinin yandığı barədə məlumat almışıq.

Şahidlərin Axar.az-a verdiyi məlumata görə, yanğın yenicə başlayıb və hələ ki qarşısı alınmayıb.

Yasamal Rayon Polis İdarəsinin növbətçi hissəsindən isə bildirdilər ki, yanğınla bağlı məlumat yenicə daxil olub və əməkdaşlar hadisə yerinə yollanıblar.

Ətraflı məlumat olacaq...

10:26

20 Yanvar dairəsinin yaxınlığında, "Azərsu" ASC-nin inzibati binası ilə üzbəüz yerləşən ümumi sahəsi 15-20 kv.m olan dönərxananın yandığı bildirilir.

Bu barədə məlumatı və fotoları Trend yayıb.

Hazırda iki yanğınsöndürən maşın hadisə yerindədir.