İran ABŞ və İsrailə hücum edib

İranlı hakerlər ABŞ, İsrail və başqa ölkələrdən olan rəsmilərin adına saxta hesablar açıblar.

Bu barədə məlumatı “Röyter” agentliyi yayıb.

“ISight Partners” təşkilatının agentliyə verdiyi məlumata görə, İranlı hakerlər 3 il ərzində ABŞ, İsrail və başqa ölkələrin rəsmilərinin adına saxta sosial şəbəkə hesabları və xəbər saytı açıblar.

Adı açıqlanmayan qurum rəsmisi əsas hədəf kimi ABŞ donanmasının admirallarının, millət vəkillərinin, ABŞ-ın xarici ölkələrdəki səfirlərinin, xüsusən də Əfqanıstan, Britaniya, İraq, İsrail, Səudiyyə Ərəbistanı və Suriyada olan elçiliklərində çalışan şəxslərin hədəfdə olduğunu açıqlayıb.

ABŞ Federal Təhqiqat Bürosu (FTB) iranlı hakerlər tərəfindən 2 mindən artıq rəsmi şəxsin adına saxta hesabın açıldığını təsdiq edib.

Xatırladaq ki, qurum iranlı hakerlərin ilk belə işi olmadığını iddia edir. 2010-cu ildə iranlı hakerlər yaratdıqları “Stuxnet” adlanan kompüter virusu vasitəsi ilə ABŞ və İsrail rəsmilərinin hesablarına hücum etmişdilər.