Gəzdiyi qadından polis rəisinə şok ittihamlar

“Gəncə Baş Polis İdarəsinin İctimai Təhlükəsizlik şöbəsinin rəisi polkovnik-leytenant Fuad Gündüz oğlu Əliyev mənim 35.820 manat pulumu mənimsəyib”.

Bu sözləri Axar.az-a zərər çəkdiyini iddia edən vətəndaş Nərminə Aladdinovna Əhmədova deyib.

Şikayətçinin sözlərinə görə, məsələ ilə bağlı Daxili İşlər Nazirliyinə və Respublika Baş Prokurorluğuna ərizə yazıb:

“Həm DİN-ə, həm də Baş Prokurorluğa ərizə yazmışam. Fuad Əliyev mənimlə yaxınlıq edib və söz verib ki, həyat yoldaşını boşayıb mənimlə ailə həyatı quracaq. Bu cür vədlərlə məndən 2 il ərzinddə 35.820 manat pul qoparıb. O pulların hesabına özünə 23.900 manata 90 NM 454 nömrəli “Land Lover Diskoveri” markalı avtomobil alıb. İlk olaraq 5.200 manatı 2 dəfəyə verdim. 4.032 manatını 02 noyabr 2011-ci il tarixində, 1.121 manatını da 3 noyabr 2011-ci il tarixində “Kapitalbank” vasitəsi ilə ona göndərmişəm.

BTB bank qəbzlərimi vermir

23.900 manatı da ona 2 dəfəyə vermişəm. İlk olaraq çalışdığım turizm şirkətinin qarşısında küçədə ona 10 min manat verdim, daha sonra isə “BTB bank”ın Premimum filalı vasitəsi ilə 13.900 manatı maşının kredit müqaviləsinə uyğun olaraq ödədim. Onun fırıldaqçı olduğunu bildikdən sonra “BTB bank”dan etdiyim ödənişləri təsdiq edən qəbzləri istədim. Ancaq Fuad Əliyev qəbzlərin mənə verilməsinin qarşısını aldı. Xoşbəxtlikdən həmin banka etdiyim ödənişlərlə bağlı qəbzlərdən birini evdən axtarıb tapa bildim.

2012-ci il dekabrın 5-də həmin bankda Fuad Əliyevin maşın krediti üçün etdiyim ödənişin qəbzini də Baş Prokurorluğa və Daxili İşlər Nazirliyinə təqdim etdiyim sənədlərə əlavə etmişəm. Adını çəkdiyim qurumlar araşdırma edərək bankdan digər qəbzləri tələb edərsə, yerdə qalan 12.900 manat məbləği 2012-ci ilin iyun ayından 2013-ci ilin iyun ayına qədər ödədiyimi aşkara çıxacaqlar. 1.720 manatı isə “Kapital bank”dakı hesabımdan Fuad Əliyevin həmin bankdakı hesabına 6 dəfəyə köçürmüşəm”.

“Rəis müavini keçmək üçün 10 min” tələsi

Nərminə Əhmədova bildirir ki, sadalanan məbləğin ümumi həcmi 30.820 manat edir, yerdə qalan 5 min manatı isə Fuad Əliyev vəzifəsini dəyişmək adı ilə alıb: “Fuad pulları məndən alanda yalandan dedi ki, guya bu pul Mingəçevirdən Masallıya rəis müavini keçmək üçün lazımdır. Rəis müavini-zad keçmədi, demə, yalandan deyirmiş, sui-istifadə edirmiş”.

Gəncə polisinin şöbə rəisi erməni qadınla yaşayırmış

Nərminə Əhmədova deyir ki, ayrılmalarına əsas səbəb Fuad Əliyevin yalançı olduğunu aşkara çıxarması olsa da, başqa səbəblər də olub:

“Fuad Əliyevin bir erməni qadınla mütəmadi olaraq görüşdüyünü öyrəndim. Daha doğrusu, həmin qadının erməni olduğunu bilmirdim. Bir il olar ki, xəbər tutmuşam. Ukrayna vətəndaşı olan və 1983-cü ilə qədər Azərbaycanda yaşayan Bakı ermənisi ilə yaxınlıq edir. Mənə ayrıldıqlarını desə də, bir neçə dəfə o qadını Azərbaycana gətirdib. Bunları Masallıda da birgə gördüm. O qadının Bakı ermənisi olduğunu sonradan öyrəndim. Elə Fuadın öz həyat yoldaşı dedi. O da onu tanıyırdı. Fuad o erməni qadını narkotiklə təmin edirdi. Müalicə edilməyəcək qədər narkomandır. Fuad özü də həmişə deyirdi ki, o qadına dəfələrlə narkotik verib. Həmin qadın Ukrayna vətəndaşlığı alandan sonra “Albina Maqsumova İliniçna” adı ilə erməni olduğunu gizlədib”.

Rəis arvadından mesaj: “Cibinə narkotik atdıraram...”

Nərminə Əhmədova onu da bildirir ki, indiyə qədər özü və ailə üzləri bir neçə dəfə ölümlə və ciblərinə narkotik atılmaqla təhdid edilib:

“Fuad Əliyevin həyat yoldaşı Ülviyyə Əliyeva məni dəfələrlə təhdid edərək deyib ki, lazım olsa, maşınımı satacağam, adam tutub bacını öldürtdürəcəyəm. Ülviyyə İsmayıllı rayonunun keçmiş polis rəisi İsmayıl Bünyatovun qızıdır. Fuadın atası Gündüz Əliyev isə Qax rayonunun keçmiş polis rəisidir. Arxalı adamlardır. Mənim isə heç kimim yoxdur, yalnız dövlətimə sığınmışam. Fuadın həyat yoldaşının bizə yazdığı təhdid sms-ləri qalır. Onları da yayımlaya bilərik. Həmin mesajlarda yazır ki, istəsələr, cibimizə narkotik vasitə atıb bizi həbs etdirə bilərlər“.

Məsələ ilə bağlı iki gün ərzində F.Əliyevin münasibətini öyrənə bilmədik. Gəncə baş Polis İdarəsindən şöbə rəisinin iclasda olduğu bildirildi.

Mövzunu davam etdirəcəyik...