Oğlan facebookda qız adı ilə danışdı və qətlə yetirildiŞOK!

Mingəçevir şəhərində qətl hadisəsi törədən şəxs tutulub.

Mingəçevir Şəhər Polis Şöbəsindən apa-ya verilən məlumata görə, 1987-ci il təvəllüdlü Quliyev Tural Vidadi oğlunu Hacıqabul şəhərinin M.Ə.Rəsulzadə küçəsindəki 2 saylı mənzildə yaşayan 1991-ci il təvəllüdlü Dadaşov Bəhram Akif oğlu qətlə yetirib.

Onun facebook sosial şəbəkəsində tanış olduğu Tural Quliyevi öldürməsinin səbəbi də məlum olub. Məlumata görə, Tural Quliyev facebookda qız adi ilə qeydiyyatdan keçib və tanış olduğu Bəhram Dadaşovla bir müddət mobil telefonla qız səsi ilə danışıb və onu görüşmək üçün Mingəçevirə dəvət edib. Bəhram Dadaşov iyunun 2-də Mingəçevirə gedərək görmək istədiyi şəxsin qız yox, oğlan olduğunu bilərək əsəbiləşib və Tural Quliyevlə mübahisə edib. Aralarında baş verən dava zamanı Bəhram Dadaşov Tural Quliyevi qətlə yetirib.

Faktla bağlı Mingəçevir Şəhər Prokurorluğu tərəfindən cinayət işi açılıb, araşdırma aparılır.

Qeyd edək ki, 1987-ci il təvəllüdlü Quliyev Tural Vidadi oğlunun meyiti iyunun 2-də şəhərin Təbriz küçəsi 50/2 ünvanındakı evində tapılıb.

Qonşular hadisə barədə şəhər polis şöbəsinə məlumat veriblər. Məlum olub ki, Tural Quliyev aldığı bir neçə bıçaq xəsarətindən dünyasını dəyişib.