Lerik yolunda ağır qəza: yük maşını yarğana uçdu

Bu gün səhər saatlarında Lənkəran-Lerik yolunda ağır qəza baş verib.

Hadisə şahidlərinin ANS PRESS-ə verdikləri məlumata görə, hadisə yolun 27-ci kilometrliyində olub.

Belə ki, “Ford” markalı yük maşını aşaraq yarğana düşüb. Hadisə şahidlərinin sözlərinə görə, hadisə yerində qan izləri olsa da, maşında, yaxud onun ətrafında heç kim olmayıb.

Baş Dövlət Yol Polis İdarəsindən isə bildirilib ki, qəza nəticəsində sürücü yüngül xəsarətlərlə canını qurtarıb. Hadisə isə yüksək sürətlə hərəkət edərkən, sürücünün idarəetməni itirməsi səbəbindən baş verib. İlkin ehtimala görə sürücü yuxulu olub. Lakin hələlik onun kimliyi məlum deyil.

Faktla bağlı araşdırma aparılır.