Barak Obama ilə görüşdə çempion yıxıldı

ABŞ prezidenti Barak Obama dünən Milli Tələbə İdman Assosiasiyasının (National Collegiate Athletic Association, NCAA) ən yaxşı basketbol komandalarının üzvləri ilə Ağ Evdə görüşüb.

Birləşmiş Ştatların prezidenti ilə görüşdə qadın və kişilərdən ibarət basketbol klublarının ulduzları vardı.
Milli.Az ABC-yə istinadən bildirir ki, NCAA çempionu olan Konnektikut Universitetinin "UConn Huskies" komandasının üzvlərini qarşılayan Barak Obama ilk əvvəl baş məşqçi Ceno Aueramma ilə görüşüb, qucaqlaşıb.

Bu zaman komandanın üzvlərindən biri, tələbə-basketbolçu Stefani Dolson həyəcandan özünü itirərək yıxılıb.
Birləşmiş Ştatların prezidenti dərhal irəli atılaraq tələbə qıza yardım etməyə çalışıb.

Qadınlardan və kişilərdən ibarət "UConn Huskies" baksetbol komandaları NCAA tarixində ilk dəfə olaraq bir universitetdən iki çempion olublar.
Daha sonra komanda üzvləri ilə kollektiv foto çəkilərkən Stefani Dolson ABŞ prezidentinin sağında duraraq qlamur pozalar verib.