Şirkət əməkdaşı özünü ofisdə asdı

Bakı şəhərinin Suraxanı rayonunda intihar hadisəsi baş verib.

lent.az-ın əldə etdiyi məlumata görə, Yeni Suraxanı qəsəbəsi, İ.Məmmədov küçəsində yerləşən ATEF şirkətinin baş ofisində 1978-ci il təvəllüdlü Ağaverdiyev Teymur Orucəli oğlu intihar edib. T.Ağaverdiyev binanın birinci və ikinci mərtəbələri arasındakı yerdə özünü asıb. Onu asılmış vəziyyətdə şirkət əməkdaşları aşkarlayaraq aidiyyəti üzrə xəbər veriblər.

Qeyd edək ki, intihar edən şəxs də həmin şirkətdə çalışırmış.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb. Araşdırmalar aparılır.