Erməni generalı: “Naxçıvan məsələsində Rusiyaya güvənirik”

“Əgər Naxçıvandan Ermənistana hücum olsa, o zaman qarşılıq veriləcək”.

Bu açıqlama ilə Ermənistan Silahlı Qüvvələrinin Baş Qərargah rəisi Yuri Xaçaturov çıxış edib. O, vəziyyətin təkcə Qarabağda deyil, bütün Qafqazda qeyri-sabit olduğunu bildirib:

“Biz döyüşə öz problemlərimizə görə gedirik. Bu zaman isə dəstəyimiz, təhlükəsizliyimizə qarant Rusiya olacaq. Bu, bizə çox şeydə kömək olacaq”.

Qeyd edək ki, dünən Naxçıvanın Ləkətağ istiqamətində ermənilərin yenidən fəallaşması barədə yerli sakinlərə istinadla Azərbaycan mediası məlumat yaymışdı.