Bakının mərkəzində torpağın sotunun qiyməti 1 milyona qalxıb

Bakının mərkəzində 1 sot torpaq sahəsinin qiyməti 400-500 min dollardır. Paytaxtın elə yerləri var ki, misal üçün, Səbayel rayonunda 1 sot torpaq sahəsi 1 milyon dollar ola bilər.

Bunu echo.az-a Davamlı İnkişafı Araşdırma Mərkəzinin sədri Nəriman Ağayev deyib.

Onun sözlərinə görə, bu cür yüksək qiymətlər Azərbaycanın torpaq bazarında manipulyasiya deyil. Qiymətlər Bakının mərkəzi rayonlarında torpağa tələbat və onların rentabelliliyi ilə bağlıdır. Torpaq alaraq sahibkar orada ev tikir. 5-6 mərtəbəni tikdikdən sonra o, təmiz qazanc əldə edir. 10-12 mərtəbəli bina tikərək xərclədiyi vəsait qədər pul qazana bilir.

"Bu səbəbdən də belə tələbat var. Tələbat olduqca, qiymətlər düşməyəcək", - o əlavə edib