Bu günün Ulduz falı

anaxeber.info dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir
Qoç - Çatmaq istədiyiniz məqsədə doğru hərəkət çətindir. Günün ilk yarısında problemlərin sayı artır. Gərgin, çətin zamandır. Hətta yaxşı düşünülmüş qərar, yanlış addım ağır fəsadlar yarada bilər. Çətinliklərdən qurtulmaq üçün təcrübəli insanların məsləhətləri dadınıza çata bilər. Yaşlı qohumların sözlərinə diqqətlə qulaq asın.
Səfərə və ya səyahətə çıxmaq fikriniz varsa, yaxşı hazırlaşın. Önəmli nüansları unutmamağa çalışın. Planlaşdırılmamış xərclər ola bilər. Əyləncə və istirahəti ertələyin.
Gözləntilərinizdə yanıla bilərsiniz.
Buğa - Uğurlu gündür. Çoxdan bəri həyata keçirməyə çalışdığınız planlardan birini reallaşdıra bilərsiniz. Bədxahlarınızı üstələməyə can atın. Qarşınızda yeni işgüzar perspektivlər yarada biləcək informasiya ala bilərsiniz.
Yaşam potensialınızın səviyyəsi yüksəkdir. İfrat yorğunluq hiss etməyəcəksiniz. Aktiv çalışın. İmiclə eksperimentlər aparmaq olar.
Əkizlər - İşdə həmkarlar, şəxsi münasibətlərdə isə qohumlarla mübahisələri artıq həll etmək gərəkdir. Tərəfdaş və müttəfiqlərlə səylərin birləşdirilməsi önəmli məsələni həll etməyə imkan verəcək. Ciddi münaqişələrin yaranmasına imkan verməyin. Yaxın ətrafınızdakı insanlardan narazısınızsa, bu hisslərinizi nümayiş etdirməyin. Belə olarsa, əlaqələrdəki gərginlikləri asanlıqla çözmək olar.
Yeni tanışlıqlar, niyyət və maraqlarınızın ümumi olduğu insanlarla görüş istisna deyil. Yeni romantik təmaslar başlamayacaq. Təmkinli olun, hisslərə qapılmyın. Maliyyə baxımından uğurlu zamandır.
Xərçəng - Mənfi təmayüllərin təsiri artır. Günün asan və rahat olacağını düşünməyin. Çətinliklər sizi qorxutmasın. Əvvəlcədən hazırladığınız bəzi planlardan imtina etmək zərurəti yaransa da, sədləri dəf etməyin yollarını arayın.
Yaxınlarınızın dəstəyinə ehtiyac var. Məhz onların sayəsində çətin situasiyalarda normal davrana bilərsiniz.
Səhhətinizin qeydinə qalın. Zərərli vərdişlərdən imtina edin. Faydalı və sağlam qidaya üstünlük verin.
Axşam saatlarında gəzintiyə çıxın.
Şir - Uğurlu gündür. Şəxsi münasibətlərdə müsbət təmayüllərin təsirləri artacaq. Yeni tanışlıqlar istisna deyil. Ötən həftə başladığınız işləri başa vurmaq üçün problemlərin həllinin alternativ yollarını arayın. Münasibətlərdə yeni çətinliklər yaratmayın. Rəğbət bəslədiyiniz insanlarla ümumi dil tapmağa, ixtilaflara son qoymağa çalışın.
Yaradıcılıq, potensialınızın reallaşması üçün münasib zamandır. Xobbinizi qeyri-stabil olsa da, gəlir mənbəyinə çevirmək olar.
Axşam saatlarında aktiv istirahət edin.
Qız - Günün ilk yarısı yetərincə ağır, mürəkkəb olacaq. Mənfi təmayüllərin təsiri güclüdür. Emosional fon ağırdır. Ruhdan düşməyin, nikbin olun. Xroniki ağrıların kəskinləşməsi istisna deyil. Qüvvədən düşməmək üçün həddən artıq çalışmayın. Qüvvə və görüləsi işləri düzgün bölüşdürün.
Dietik təamlara üstünlük verin. Qida sistemində problemlər ola bilər.
Saatlar keçdikcə situasiyada müsbət dəyişikliklər ola bilər. Pis əhvalınız çox davam etməyəcək. Pessimist olmayın. Fiziki işlər yetərincə olmalıdır.
Axşam saatlarında normal istirahət edin.
Tərəzi - Uğurlu gündür. Şəxsi münasibətlərdəki sədləri aradan qaldırmaq olar. Ünsiyyətdə olduğunuz insanların dediklərini qulaqardına vurmayın. İlk dəfə gördüyünüz insanları dürüst qiymətləndirin. Rəğbət bəslədiyiniz insanlarda özünüzlə bağlı xoş təəssürat yaratmağa çalışın.
Yeni təmaslar üçün münasib zamandır.
Axşam saatları romantik emosiyalar, görüşlər, sevdiyiniz insanla təmaslar üçün əlverişli zamandır. Xoş sürprizlər, qəfil diqqət izharları olacaq. Alış-veriş zamanı diqqətli olun. Nəzərdə tutulmamış xərclərə yol verməyin.
Əqrəb - Gün yeni problemlər vəd etmir. Yarımçıq işlərin başa çatdırılması üçün pis zaman deyil. Maliyyə məsələləri ucbatından yaxınlarınızla mübahisələr və fikir ayrılıqları istisna deyil. Ümumi əmlakla bağlı planlarınızı yaxınlarınız dəstəkləməyəcəklər. Birmənalı olmayan, qarışıq münasibətlərinizin olduğu insanlarla təmaslardan yayınmağa çalışın.
Ev işlərindəki problemləri aradan qaldırmaq üçün əlverişli zamandır. İzafi fikirləri, mənasız emosiyaları unudun.
Energetik içkilərdən uzaq durun. Axşam saatlarında aktiv olun.
Oxatan - Sakit gündür. Yeni ideyalar və imkanların sayı azdır. Ev işlərində qayda yaradın, əvvəl başladığınız işləri başa vurun. Son vaxtlar sizi narahat edən məsələləri təhlil edin. Yaxınlarınızla kiçik fikir ayrılıqları istisna deyil. Münaqişələrə yol verməyin.
Planlaşdırılmamış, kiçik xərclər istisna deyil. Maliyyə situasiyası əlverişlidir. Sərt qənaətə ehtiyac yoxdur. Yaşam potensialı orta səviyyədədir. Əhvalınız pis olmayacaq. Orqanizminizi sınağa çəkməyin.
Oğlaq - İşlərdə və ailədə situasiya çətinləşib. Mühüm qərarı təkbaşına qəbul etmək olar. Görüləcək işlərə görə məsuliyyəti sizinlə bölüşmək istəyənlər yoxdur. Ciddi maliyyə çətinlikləri yarana bilər. Aktivləşin, enerjili olun. Problemlər uzunmüddətli səciyyə daşıya bilər. Xərcləri asanlıqla azaltmaq olar. Borc almayın. Pullarınızı məntiqlə xərcləyin.
Dostlarla görüş üçün əlverişli zamandır. Romantik təmaslar uğurlu olmayacaq. Səbirli olun, təmkinli davranın. Səhhətinizə fikir verin. Diş ağrısı ola bilər. Stomatoloqa baş çəkin.
Dolça - İşlər nəzərdə tutduğunuz kimi getmirsə, ruhdan düşməyin. Bədbinliyə qatılmayın, qətiyyətli və iradəli olun. Problemlərin tam əksəriyyətini asanlıqla çözmək olar. Bütün çətinlikləri təkbaşına həll etməyə can atmayın. Sizə yardım etməyə hazır insanlar var. Onlara müraciət edə bilərsiniz. Qəfil, nəzərdə tutulmamış səfərə yollanmayın.
İmkanlarınızı olduğundan artıq dəyərləndirməyin. Qüvvə və potensialınızın izafi qiymətləndirilməsi ağır fəsadlar yarada bilər. Yaşam potensialının səviyyəsi yüksəkdir.
Axşam saatlarında normal istirahət edir.
Balıqlar - Ehtiyatlı və sayıq olun. Nə qədər təmkinli davransanız, bir o qədər yaxşıdır. Maliyyə işlərində diqqətli olun. Avantüralar, şübhəli işlərə qatılmayın. Spontan alış-verişdə bədxərclik edə bilərsiniz. Pullarınızın qədrini bilin. Mühüm qərarlar qəbul etməzdən əvvəl peşəkar fəaliyyət müstəvisində ciddi davranmağa çalışın. Etibar etdiyiniz insandan məsləhət ala bilərsiniz.
Təkbaşına yola çıxmayın. Sükan arxasında çox vaxt keçirməyin. Yaxşı tanıdığınız, bələd olduğunuz marşrutu seçin. Ənənəvi şərait, rutinlik gözlərinizi yora bilər. Kompüter arxasında gərək olduğundan çox qalmayın.