Azərbaycanlı "qanuni oğru" Nadir Səlifova ("Quli") qarşı sui-qəsd planının qarşısının alınması diqqəti yenidən kriminal aləmdə cərəyan edən olaylara yönəldib. Yenisabah.az xatırladır ki, Nadir Səlifova qarşı su-qəsd planının başında onunla konfliktdə olan gürcü əsilli avtoritet Quram Çixladze ("Kvejoviç") dayanır. Türkiyə polisinin onu və rəhbərlik etdiyi 16 nəfərlik dəstəni saxlaması Nadir Səlifovun aradan götürülməsi planına mane olub. Rusiyanın primetime.ru saytının baş resaktoru, kriminal aləm barədə kifayət qədər məlumatlı olan Viktoriya Qefter baş verənləri lenta.ru-ya şərh edib.

O, əvvəlcə Səlifovun barışmaz düşmənlərindən danışıb. Qefterin sözlərinə görə, Nadir Səlifovun barışmaz düşmənləri mərhum qanuni oğru Rövşən Canıyevin ("Rövşən Lənkəranski") qardaşı və əmisi oğludur. Çixladzenin Səlifovla konfliktinə gəlincə, baş redakor hesab edir ki, bunun arxasında nüfuzlu "qanuni oğru" Zaxari Kalaşov ("Şakro Molodoy") dayanır. Çixladze sağlığında Rövşən Canıyev və onun yaxın ətrafı ilə dostluq edib. Dostluq etdiyi şəxslərin arasında "qanuni oğru" Əlibala Həmidovu ("Qoca Yasamalski") qətlə yetirən şəxs də var.

Qefterə görə, Zaxari Kalaşovun təşəbbüsü ilə Səlifovla görüşən Quram Çixladze məhz bu məsələni müzakirə etməliydi. Çünki Səlifovun qisas alacağı təqdirdə Çixladzeyə də zərbə dəyə bilərdi. Səlifov görüşdə bu barədə ona xəbərdarlıq edib.

Həmçinin bildirib ki, o, tərəfini düzgün müəyyənləşdirməlidir. Çixladze isə tərəf kimi Səlifovu seçmədiyinə eyham edib. Sonradan "qanuni oğrular" belə qənaətə gəlib ki, bu görüş Çixladze ilə Səlifov arasında konflikt yaradılması üçün təşkil edilib. Çünki həbsxanada olan Kalaşov Nadir Səlifovla Merab Canqveladzenin ("Merab Suxumski") nüfuz etdiyi kriminal hadisələrə təsir imkanlarını itirirdi.

Çixladzenin görüşdə Səlifovla saymazyana danışığı da süni konflikt yaradılması ilə izah edilir. Qefter də görüşdə baş verən insidentə görə gürcü əsilli "qanuni oğru"nun haqsız olduğuna eyham edib. O, həmçinin bildirib ki, görüşdə Çixladzenin döyülməsi barədə deyilənlər həqiqətuyğun deyil. Baş redaktorun sözlərinə görə, sadəcə doğum günü olan qazax əsilli avtoritet, "qanuni oğru" tituluna namizəd Arman Cumagəldiyev ("Arman Dikiy") Çixladzeni yerində oturudub. Səlifovla görüşdən əvvəl Çixladze özünü Cumagəldiyevə kommersant kimi təqdim edib. Bir kommessantın "qanuni oğru" titulu daşıyan Nadir Səlifovla saymazyana tonda danışması qazax əsilli avtoritetin ona irad bildirməsinə səbəb olub. Çixladze isə Cumagəldiyevin iradına sərt cavab verib. Bu zaman qazax əsilli avtoritet ona əl qaldırmalı olub. Səlifov dərhal müdaxilə edib və insentin dərinləşməsinə imkan verməyib.

"Hadisə baş verəndə Zaxari Kalaşov tərəfindən Çixladzeni qorumaq üçün ayrılan mühafizəçilər də orada olub. Onlar baş verənləri əvvəldən sonadək izləsələr də, müdaxilə etməyiblər. Bu da Çixladzenin haqlı olduğuna şübhələri artırır, yaxud da onlar qorxaqdırlar", -deyə Qefter bildirib. Baş redaktor Səlifova qarşı sui-qəsd planının Türkiyə polisi tərəfindən qarşısının alınması məsələsinə də toxunub. O, Səlifovun Türkiyənin güc strukturları tərəfindən xüsusi olaraq qorunması barədə mülahizələri bölüşməyib.

Qefter bildirib ki, Çixladze Səlifovun bacısı oğlu Məhəmməd Qurbanova ("Maqa Rustavski") hücum etməsindən sonra Türkiyə polisinin nəzarəti altına düşüb. Baş redakroun fikrincə, sui-qəsd planının qarşısının alınması da polisin peşəkərlağı sayəsində baş tutub. O, həmçinin bildirib ki, Səlifov həm bacısı oğluna hücum edilən zaman, həm də Çixladzenin sui-qəsdə hazırlaşdığı ərəfədə ümumiyyətlə Türkiyədə olmayıb.

Qefterin fikrincə, Maqa Rustavskiyə hücum əslində Səlifova qarşı növbəti təxribat olub. Düşmənləri hesab edib ki, Səlifov bu olaydan sonra səhvə yola verə və muzdlu qatilləri, yaxud xüsusi xidmət orqanları üçün asan yemə çevrilə bilər. "Nəyin bahasına olursa olsun Qulini aradan götürmək onun düşmənləri üçün həyati əhəmiyyət daşıyır", -deyə Qefter əlavə edib.