Türkiyə koronavirusa yoluxanların sayına görə Çinə çatır - yeni faktlar

Dünyada koronavirus pandemiyasından ölüm halları davam edir.

Musavat.com xəbər verir ki, son saatlara ən çox yoluxma yenə də ABŞ-da qeydə alınıb. Bu ölkədə son bir neçə saat ərzində artıq 1090 nəfər ölüb, 18 min 558 yeni yoluxma qeydə alınıb. Ümumilikdə ABŞ-da 728 min 290 nəfər koronavirusa yoluxub, 38 min 244 adam isə bu virusdan ölüb.

Yoluxma sayına görə ABŞ-dan sonrakı sırada yer alan İspaniyada bu gün həm yoluxma, həm də ölüm sayında azalma var. Belə ki, son saatlarda İspaniyada  887 nəfər  yoluxma, 41 ölüm qeydə alınıb.

Növbəti sırada yer alan İtlaliyada son saatlarda 3 min 491 yoluxma, 482 ölüm qeydə alınıb.

Fransada son saatlarda 3 min 824 nəfər yoluxub, 642 nəfər ölüb. Almaniyada bir neçə saat içərisində 1475 nəfər yoluxub, 74 nəfər isə ölüb.

Azərbaycanla quru sərhəddə olan ölkələrdə də də yoluxma  sayı artmaqdadır. Qardaş Türkiyə yoluxanların sayına görə artıq Çini keçmək üzrədir.

Belə ki, hazırda Çində cəmi 82 min 219 nəfər koronavirusa yoluxan var. Bu gün Çində 27 yeni yoluxma qeydə alınıb, ölüm halı isə yoxdur.

Türkiyədə isə ümumilikdə 82 min 719 yoluxma var. Qardaş ölkədə bu gün 3 min 783 yeni yoluxma, 121 yeni ölüm faktı qeydə alınıb. Siyahıda Çin 7-ci, Türkiyə isə 8-ci yerdədir. Türkiyədən 1 pillə aşağıda isə digər qonşumuz İrandır. İranda bu gün 1374 nəfər yoluxub, 73 nəfər ölüb. Ümumilikdə bu ölkədə 80 min 868 yoluxma, 5 min 31 ölüm qeydə alınıb.

Son saatlarda Rusiyada 4 min 785 nəfər yoluxub, 40 nəfər isə ölüb.  Gürcüstanda bu gün 18 nəfər yoluxub, 1 nəfər ölüb.
Ümumilikdə son saatlara qədər dünyada 2 milyon 313 min 897 yoluxma, 159 min 33 ölüm qeydə alınıb.

Dünyada  1 milyon 563 min 577 nəfər koronavirus xəstəsi var. Onlardan 55 min 169 nəfərinin vəziyyəti ağırdır.

Əli Rais,
Musavat.com