ATƏŞ XƏTTİ: Tərtər istiqamətində düşmən humanitar atəşkəsi pozur

Ermənistanda xaos cəbhəyanı zonada yerləşən Tərtər rayonunda daha artıq hiss olunur. Hərbi-siyasi hakimiyyətləri humanitar atəşkəs əldə olunması üçün addımlar atmasına rəğmən Ermənistan silahlı qüvvələri buna əməl etmir.
Oktyabrın 18-də saat 00.00-dan yeni humanitar atəşkəs rejimi elan olunmasına baxmayaraq Ermənistan silahlı qüvvələri növbəti dəfə razılaşmanı kobud surətdə pozub. Tərtər rayonu ərazisinə səhər tezdən mərmilər yağmaqda davam edir. Azərbaycan Ordusunun hissələri düşmənə qarşılıq verir, atəş nöqtələri darmadağın olunur. Halbulku humanitar atəşkəsdən 1 gün əvvəl, oktyabrın 17-də səhərdən başlayaraq bu saata qədər atəş səsləri daha az eşidilirdi.
Düşmən tərəf oktyabrın 10-da Rusiya paytaxtında humanitar atəşkəs razılaşması əldə olunandan sonra da eyni cür davranırıb. Azərbaycanın işğal olunan ərazilərindən cəbhəyanı və cəbhə bölgəsindən 70-80 kilometr aralıda yerləşən Gəncə, Mingəçevir şəhərlərinə ballistik raketlər atıb. Ümumiyyətlə Ermənistan tərəf yalvarışla əldə etdiyi razılaşmaları qısa zamanda pozmaq vərdişindən əl çəkmir.
Hərbi əməliyyatların başladığı 22 gün ərzində artıq 2-ci dəfədir ki, düşmən humanitar atəşkəs rejimini kobud şəkildə pozur. Ordumuz düşmənin pozuculuq fəaliyyətinin qarşısını alır.
Sentyabrın 27-də 6 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Bundan sonra cəbhə bölgəsində genişmiqyaslı hərbi əməliyyatlar başlayıb. Hazırda Tərtər istiqamətində döyüşlər davam edir.
 
E.MƏMMƏDƏLİYEV
Musavat.com