Bayden administrasiyası Ukrayna konfliktində özünü çox yaxşı göstərir.
Axar.az xəbər verir ki, bu sözləri “Vaşinqton Post” qəzetinin yazarı Devid İqnatius qeyd edib.
O bildirib ki, ABŞ prezidenti münaqişədə gözlənilməz dözümlülük nümayiş etdirərək Rusiyanı mühüm üstünlüklərdən məhrum edib və informasiya oyununda Putini ötüb.
Müəllifin sözlərinə görə, Kreml bütün bunları hesablamırdı və buna görə də hücum etməyəcəyini deyib susur:
“Görünür, Putin Baydenin siyasi zəifliyindən istifadə etməyə çalışırdı. Lakin bütün bu çətinliklər Amerika prezidentinin qətiyyətini gücləndirdi. Əfqanıstandan məğlub şəkildə çıxış və reytinqin ani enməsi Baydenin artıq Putinin nöqteyi-nəzərində "mehriban kompromist" kimi görünməsinə imkan yaradırdı. Ağ Ev rəhbəri isə sərt kursla bağlı seçim etdi və onu davam etdirir. Və o, keçmiş prezident Donald Trampın açıq şəkildə xor baxdığı NATO ittifaqını öz siyasətinin təməl daşına çevirdi. Ağ Ev rəsmiləri deyirlər ki, böhran başlayandan bəri administrasiya müttəfiqləri ilə 200-dən çox diplomatik əlaqə yaradıb”.