• • 
    

Ukrayna hökuməti mülki əhaliyə zərər vura biləcək genişmiqyaslı fövqəladə hallar üçün NATO-dan yardım istəyib.
Kanal.az xəbər verir ki, bu barədə hərbi alyans məlumat yayıb. Açıqlamada bildirilir ki, Avro-Atlantik Fəlakətlərə Cavab Koordinasiya Mərkəzi Ukraynadan müraciət alıb. Məlumata görə, Ukrayna həmçinin NATO-dan bir sıra hərbi vasitələr tələb edib.
Qeyd edək ki, Avro-Atlantik Fəlakətlərə Cavab Koordinasiya Mərkəzi NATO-nun fövqəladə hallara reaksiya mexanizmidir. Fövqəladə hallarda bu quruma müraciət daxil olarsa, NATO ölkələri həmin dövlətə müvafiq məbləğdə yardım ayıra və dəstək verə bilər.