Krım tatarlarının lideri Türkiyədən nəyi xahiş etdi?

Türkiyə Krım tatarlarını öz ölkəsinə qəbul etməməlidir. Bunu Krım tatarlarının lideri Mustafa Cemilov Ukrayna telekanalına verdiyi açıqlamasında deyib. “Türkiyə tərəfi bizim həmvətənlərimizi qəbul etməyə hazır olduğunu bildirib. Amma mən bunu istəmirəm. Çünki onlar Türkiyəyə getsələr geri dönməyəcəklər”, - deyə Cemilov bildirib. Onun sözlərinə görə, Türkiyədə yaşayan Krım tatarları Krımdan 10 dəfə çoxdur: “Bundan başqa türk dili bizə çox yaxındır. Biz sadəcə bu insanları itiririk”.