İran rejimi terrora belə don geyindirməyə çalışır - FOTOLAR

İran rejimi baş verən terror hadisəsini şəxsi münaqişə zəmininə yönəldir.

Musavat.com xəbər verir ki, "Haqqın səsi" teleqram kanalı bu gün səfər Tehrandakı səfirliyimizə hücum edən şəxsin fotolarını yayıb.

İddia edilib ki, "o, İran vətəndaşı, arvadı isə Azərbaycan Respublikası vətəndaşıdır. Hadisə sırf ailə zəminində baş verib".

Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.

Terroru törətmiş şəxs Azərbaycan səfirliyinin əməkdaşı tərəfindən saxlanılıb.

Musavat.com