"İran casusları Bakıda mənzil kirayələyib, gizli radiostansiya vasitəsilə..." -TƏFƏRRÜAT VİDEO

Birinci Qarabağ müharibəsi dövründə İranın hərbi müşahidəçiləri, guya, ermənilərlə bizim aramızda əlaqə yaradırdılar və onların hərbi hissələrə daxil olmaq imtiyazları var idi. Guya, onlar bizim əsgər və zabitlərimizə təlimlər keçirdilər.

Musavat.com xəbər verir ki, bu fikirləri Trend BİA-nın "Sahil Kərimli ilə Aktual" müəllif videolayihəsinə müsahibəsində Dini Qurumlarla iş üzrə Dövlət Komitəsinin sədr müavini Səyavuş Heydərov bildirib.

O qeyd edib ki, Birinci Qarabağ müharibəsi dövründə həmin hərbi müşahidəçilər mütəmadi olaraq hərbi hissələrə gedirdilər və onlar hansı hərbi yüksəkliklərə, strateji məntəqələrə gedirdilərsə, qayıtdıqdan bir neçə gün sonra qəflətən həmin yerə ermənilər tərəfindən hücum olurdu.

"O zaman bu məsələ diqqət mərkəzinə düşdü, araşdırma zamanı şübhələr yarandı və artıq İran hərbi müşahidəçiləri ətrafında işlənilməyə başlanıldı. O zaman bunların Bakıda 8-ci mikrorayonda gizli radiostansiyası aşkarlandı. Həmin hərbi müşahidəçilər mənzil kirayə götürmüşdülər. Radioəlaqə kanalları müəyyən edildi və məlum oldu ki, bu hərbi müşahidəçilər SEPAH-ın kəşfiyyatçıları idilər. Hətta bu müşahidəçilər o zaman daxili qoşunların 120 əməkdaşının İrana göndərilməsini təşkil etdilər. Guya, onlar oraya təlimə getmişdilər, amma onların hamsını dövlət çevrilişinə hazırlayırdılar. Onları inandırırdılar ki, hər biri yüksək vəzifə sahib olacaqlar.

O dövrdə təhlükəsizlik orqanı çox unikal bir tədbir keçirdi. Onda artıq bu müşahidəçilərin sülhsevər yox, düşmənçilik faəliyyəti ilə məşğul olduqları bilindi. Bu, İran üçün şok idi. Onlar çox xahiş etdilər, yalvardılar ki, bunu ictimailəşdirməyək. Onlar ən azından "erməniyə dəstəyi dayandırıb, Azərbaycana dəstək göstərəcəyik" dedilər. Təbii ki, bu, yalan idi onlar yenə düşmənçilik faəliyyətini davam etdirdilər", - deyə o bildirib.

Müsahibənin tam versiyasını təqdim edirik: