Ukrayna Prezidenti Vladimir Zelenskinin Brüsselə mümkün səfəri barədə məlumatın mətbuata sızması onun təhlükəsizliyi ilə bağlı narahatlıqlara səbəb olub.

Bundan sonra Aİ rəsmiləri arasında qarşılıqlı ittihamlar başlayıb.

“The Guardian” yazır ki, Zelenskinin sammitdə Aİ liderləri ilə şəxsən görüşmək və Avropa Parlamentində növbədənkənar sessiyada çıxış etmək üçün bu cümə axşamı Brüsselə səfər etməyi planlaşdırıb.

Keçən fevralda münaqişə başlayandan bəri onun Ukraynanı yalnız bir dəfə tərk etdiyi deyilir. 

Dekabrda o, Vaşinqtona qəfil səfər edib və orada ABŞ Konqresinin  iclasında çıxış edərək ib ölkəsinə hərbi dəstəyi artırmağa çağırıb. Prezidentin səfəri ilə bağlı məlumatlar mətbuata sızdıqdan sonra məlum olub ki, səfər onun təhlükəsizliyi ilə bağlı narahatlıqlara görə ən ciddi şəkildə planlaşdırılıb.

Brüsselə təklif olunan səfərdən təxminən 48 saat əvvəl bu barədə İtaliya mediası tərəfindən xəbər verilib və daha sonra Avropa Parlamentinin sağ mərkəzçi qrupu olan Avropa Xalq Partiyası (EPP) tərəfindən tvit yazılıb. 

"Cənab Prezident, sizi Brüsseldə salamlamağı səbirsizliklə gözləyirik", - tvitdə deyilir.

Ancaq tvit qısa müddət sonra silinib, lakin “Politico” onun skrinşotunu çəkə bilib.

Avropa İttifaqının sammitlərini təşkil edən Avropa Şurasının prezidenti Çarlz Mişel məlumatın sızmasında Avropa Parlamentini günahlandırır. Onun sözçüsü səfəri nə təsdiq, nə də təkzib edərək deyib: “Prezident Zelenskinin Brüsselə səfəri üçün açıq dəvət var”.

Eyni zamanda, Zelenski keçən həftə Brüsselə səyahət təkliflərini rədd edərək, səfərlərinin çox riskli olduğunu deyib.

Qalmaqalda daha çox məlumat sızdırmaqda ittiham olunan Avropa Parlamentinin prezidenti Robert Metsolanın adı çəkilir. Britaniya mediasının yazdığına görə, o, həm də səfər haqqında qısa məlumat verən qrupun üzvüdür.

Xəzər
Cebhe.info